Бесплатные шаблоны Joomla

МАЪЛУМОТ БАРОИ МУАЛЛИФОН

Талабот нисбат ба мақолаҳои илмӣ:

1. Риоя намудани «Этикаи чопи мақола дар маҷаллаҳои илмии ДМТ»;

2. Таҳияи мақола бо ҳуруфи Times New Roman барои матнҳои русию англисӣ ва бо ҳуруфи Times New Roman Tj барои матни тоҷикӣ, ҳаҷми ҳарфҳо 14, ҳошияҳо 2,5 см ва фосилаи байни сатрҳо 1,5 сатр;

3. Ҳаҷми мақола: формати А4, бо рӯйхати адабиёту аннотатсияҳо на камтар аз 15 саҳифа ва на беш аз 30 саҳифа;

 
ТАРТИБИ ТАҚРИЗДИҲӢ БА МАҚОЛАҲОИ ИЛМӢ
 
Мақолаҳои илмие, ки барои чоп ба маҷалла пешниҳод мегарданд, аз ташхиси пешакӣ гузаронида мешаванд (ташхис аз ҷониби аъзоёни ҳайати таҳририя – мутахассисони соҳаи дахлдор анҷом дода мешавад) ва сипас дар доираи тартиботи ҷорӣ барои чоп қабул мегарданд. Талабот барои тартиб додани шакли ниҳоии матни мақола дар ҳар як шумораи маҷалла чоп карда мешавад.
Ҳангоми қабули шакли дастнависи мақола, корбарони маҷалла нисбат ба мундариҷа ва риояи талаботи асосӣ ба муаллиф хабар медиҳанд ва он норасогиҳое, ки дар мақола ҷой доранд, то оғози ташхис аз ҷониби муаллиф бояд бартараф карда шаванд.

Этикаи нашри мақола дар маҷаллаҳои илмии

Донишгоҳи миллии Тоҷикистон

Маркази табъу нашр, баргардон ва тарҷумаи Донишгоҳи миллии Тоҷикистон (редаксияи “Паёми ДМТ”) арзиши илмӣ ва аҳамияти амалии тадқиқоти муаллифонро эътироф намуда, воситаи иртиботи илмӣ ва майдони рушди соҳаҳои мувофиқи илму дониш мебошад.

Сиёсати редаксияи маҷаллаҳои илмии Донишгоҳи миллии Тоҷикистон ба қоидаҳои этикии нашрияҳои илмии эътирофшуда асос ёфта, бо назардошти меъёрҳои этикии фаъолияти муҳаррирон ва ноширон, ки дар Кодекси рафтор ва принсипҳои фаъолияти муҳаррирони маҷаллаҳо (Code of Conduct and Best Practice Guidelines for Journal Editors) ва Кодекси рафтори ношири маҷалла (Code of Conduct for Journal Publishers)-и таҳиянамудаи Кумитаи этикаи интишор (Committee on Publication Ethics (COPE)) таҷассум ёфтаанд, таҳия гардидааст. Редаксияи маҷаллаҳои илмии ДМТ фаъолияти худро дар асоси талаботи Қонунҳои Ҷумҳурии Тоҷикистон «Дар бораи матбуот ва дигар воситаҳои ахбори омма», «Дар бораи ҳуқуқи муаллиф ва ҳуқуқҳои вобаста ба он», «Дар бораи табъу нашр», «Оинномаи Донишгоҳи миллии Тоҷикистон» ва дигар асноди меъёрӣ-ҳуқуқии соҳаи илми Ҷумҳурии Тоҷикистон ба роҳ мондааст.

   
© Сафарализода Худжамурод Куддуси (ответственный редактор и дизайнер сайта)